Se ofisyèl: militè Salvadoryen ap a antre an Ayiti. Asanble lejislatif peyi Salvadò bay fe vè, mèkredi 30 oktòb la, pou voye yon kontenjan militaire an Ayiti pou entegre misyon miltinasyonal la.
57 depite sou 60 te vote pou deplwaman sòlda Salvadoryen yo an Ayiti.
Selon akò a, kontenjan Salvadoryen an ap rete an Ayiti toutotan misyon miltinasyonal la prezan sou teren an.
N ap raple Ayiti ak Saldavor te siyen akò 3 oktòb 2024 pou otorize militè Salvadoryen entegre Misyon miltinasyonal la.
Prezidan Salvadò a, Nayib Bukele gen konfyans sòlda l yo ka kraze gang yo an Ayiti.
Salvadoryen yo pral mete fòs ak Kenyan ki deja sou teren an pou ede Polis Nasyonal Ayiti goumen kont gang yo.