Anbasadè Etazini an an Ayiti, Dennis B. Hankins, vizite ayè mèkredi 9 oktòb la, konsèy prezidansyèl tranzisyon an (KPT) nan Villa d'accueil.
Diplomat ameriken an fè vizit sa 2 jou apre enstalasyon Leslie Voltaire nan tèt konsèy prezidansyèl la.
Pandan vizit koutwazi sa, Dennis Hanskins felisite KPT pou travay y ap fè pou yon tranzisyon nan lapè.
Diplomat la bay konsèy prezidansyèl la asirans peyi Etazini vle kontinye kolabore ak yo.
N ap raple Leslie Voltaire ki nan tèt KPT a, te ranplase Edgard Leblanc Fils lendi ki sot pase a.