Lajistis eta Kentucky akize yon polisye de asasina apre li touye yon jij nan yon zon riral eta sa a, ki sitye nan sid Etazini andedan biwo li.
Yo akize sharif la nan yon dosye legal federal kom kwa li pat okipe abi youn nan polisye ki travay pou li yo te komèt. Polisye sa a plede koupab pi ta ak akizasyon kom kwa li te fose yon dam fè seks avè l nan biwo jij la.
Foto Achiv: Cherif Shawn M. Stines pandan yon entevyou ak stasyon televizyon WYMT nan Whitesburg, Kentucky, 14 Out, 2024.
Lapolis di sharif Shawn Stines te louvri zam Jedi sou jij la apre kont te pete ant yo. Lapolis eta Kentucky di Stines tire Jij Kevin Mullins plizyè fwa. Jij la te mouri sou sèn nan.
Stines te rann tèt li bay otorite yo apre sa.
Lapolis eta Kentucky poko presize sijè kont ki te pete ant Jij la ak sharif la.
Sharif la te temwaye Lendi nan yon pwosè sivil kote yo te akize l dèske li pat byen sipèvize polisye ki travay pou li a.