WASHINGTON (AP) — Demokrat yo ki enkyete sou kapasite Prezidan Joe Biden pou l genyen eleksyon mwa Novanm nan, ap chache fè li retounen sou desizyon pou rete nan kous pou reeleksyon an.
Yo ap ankouraje l reevalye chans li nan revize tout pakèt rezilta sondaj, konvèsasyon kote moun pale kare, e kounye a sityasyon kote li oblje kanpe sou mennen kanpay apre li teste pozitif pou COVID 19.
Biden ensiste ke li p ap fè bak.
Li di ke li menm se kandida ki te bat Repibliken Donald Trump anvan epi ki pral fè li ankò an Novanm nan.
Men lidè demokrat yo an piblik kou an prive ap voye siyal enkyetid yo anvan konvansyon pou nominasyon kandida pati a nan mwa Daout.