Lise Fimim, yon lekòl nan kapital ayisyen an Pòtoprens sèvi pou kan refijye, kote plizyè fanmi deplase al pran refij nan kouri pou vyolans gang yo.
Venitha Antoine, ki se yon deplase, t al pran refij ladann avek 5 pitit li e ak mari l lè gang te mete dife nan kay yo.
Ence Jean Patrique ki gen 31 lane li menm, te rive nan abri a ak fanmi li apre Repiblik Dominikèn te depòte yo nan moman vyolans la te pete nan peyi a.
Dapre estimasyon Nasyonzini, plis pase yon moun te mouri nan vyolans gang ann Ayiti chak èdtan nan premye twa mwa ane 2024 la.
Genyen tou nouvèl anpil kote sou gang k ap sèvi ak vyolans seksyèl an mas, kidnapin ak maspinay pou sezi byen popilasyon an.
Ayiti ap viv yon ogmantasyon zak vyolans gang depi Fevriye.
Sitiyasyon sekirite a fòse plizyè milye moun kouri kite kay yo e lakòz yon kriz grangou katastwofik nan mitan popilasyon an.