Inyon Ewopeyen an anonse Lendi ke li evakye tout anplwaye li ki te ann Ayiti, yon peyi ki anba vyolans gang kriminèl, e inyon an fè konnen "enkyetid ekstrèm" li fas ak sityasyon sekirite a ki vin pi grav.
Peter Stano, ki se pòtpawòl chèf politik etranjè Inyon Ewopeyen Josep Borrell, deklare "kòm repons pou sitiyasyon sekirite a ki malouk, nou te deside diminye aktivite nou sou teren an epi deplase anplwaye delegasyon Inyon Ewopeyen an ki te nan Pòtoprens pou mete yo yon kote ki pi an sekirite andeyò peyi a (...) Kounye a nou evakye tout pèsonèl Inyon Ewopeyen an ki te ann Ayiti.”