Minis afè etranje peyi loksidan yo nan gwoup G20 an ki reyini nan Brezil ayè mèkredi a atake LaRisi pou envazyon li nan Ikrèn pandan Minis Afè Etranjè ris Sergei Lavrov tap koute, dapre sa diplomat yo rapòte.
Prensipal diplomat ki reprezante Etazini, Ostrali, Kanada, Almay, Itali, LaFrans ak Nòvèj fè deklarasyon nan menm sans la nan premye jou reyinyon an ki ap dire 2 jou.
Minis afè etranjè Nòvèj, Espen Barth Eide, di jounalis yo ke Lavrov te reponn byen kalm atak Minis Afè Etranjè Grand Bretay David Cameron, kote li bay yon seri eksplikasyon ki baze sou reyalite sa ki ap pase nan Ikrèn.
Lavrov pa te pale ak jounalis. Rezon ke li bay pou jistifye “operasyon militè espesyal li” nan Ikrèn, ki te tanmen, sa gen 2 lane, pou koumanse sete pou elimine Nazi nan Ikrèn. Sa pa gen lontan, Moskou te ensiste pou di ke li bezwen defann tèt li kont agresyon loksidan.