Gad kot peyi Japon jwenn yon moun ak debri nan oseyan an kote yon avyon militè ameriken Osprey ki t ap pote 8 moun tonbe mèkredi bò kot sid Japon, dapre otorite yo.
Pèsonn pa te konnen touswit koz aksidan an, dapre pòtpawol gad kot Kazuo Ogawa.
Gad kot te resevwa yon apèl ijan yon bato pechè toupre lye aksidan an sou kot Yakushima, yon zile nan sid Japon.
Gad kot ak bato patwouy yo jwenn yon moun, men yo pat konnen eta li touswit, e yo te jwenn tou debri koulè gri ki sanble ta moso avyon an, dapre Ogawa. Yo jwenn yo nan lanmè a nan distans anviwon 1 kilomèt ak kot ès zile Yakushima.
Osprey a se yon avyon ibrid ki dekole e ateri tankou yon elikoptè, men pandan li ap vole, li ka vire pwopilsè li ann avan e navige rapid anlè a tankou yon avyon. Se Kò Merin, Lamarin ak Avyasyon Militè ameriken ki sèvi ak li.