Prezidan ris Vladimir Putin siyen yon bidjè nasyonal pou 3 lane ki ap vini yo ki ajoute 25 pousan sou depans e dapre nouvèl yo konsakre yon gwo pousantaj pou defans pandan lagè LaRisi nan Ikrèn nan ap rapousib.
Bidjè a prevwa kòm depans an 2024 415 milya dola ak yon defisi ke li atann pwal 9 milya edmi dola.
Apre bidjè a fin pase nan chanm depite palman an, prezidan chanm nan Vyacheslav Volodin di devlopman bidjè a te fèt sitou pou finanse lame a e balanse efè sanksyon entènasyonal yo sou LaRisi apre li te anvayi Ikrèn an Fevrite 2022.
Nivo chomaj la ki desann ba nan yon nivo rekò, salè yo ki wo, ak depans sosyal yo ta dwe ede Kremlen an sèvi ak pifò nan bidjè a pou finanse lame a, men ka prezante yon pwoblèm nan kèk tan ki ap vini, dapre kèk analis.