Austin te rive Kyiv lendi 20 novann lan kote li espere vizit li a ap motive politisyen yo pou kontinye voye lajan ak zam bay Ikrèn, pandan ke resous entènasyonal Ameriken yo yon ti jan diminye akoz konfli Izrayèl ak Hamas la.
Austin te vwayaje nan Kyiv pa tren soti nan Polòy. Austin te rankontre ak Prezidan Vladimir Zelenskyy.
Li pwograme pou l rankontre ak minis defans Ikrèn nan ak chèf deta majo a epi pale piblikman sou bezwen militè ijan ke Ikrèn genyen, pandan sezon ivè a ki ap vini an - ki pral rann batay la pi difisil.
Austin di efò Ikrèn ap fè pou ranpote la viktwa sou Larisi a "enpòtan pou rès mond lan" e ke sipò Etazini ap kontinye.
