Prevni an, Jason Eaton ki gen 48 lane, te parèt sou video etan nan yon prizon awondisman lendi, e se etan nan prizon an li te prezante nan tribinal Awondisman Chittenden nan bouk Burlington.
Eaton te pale sèlman pou konfime idantite li. Avoka li te vini ak pawol non koupab la, e jij la te bay lòd pou kenbe l anba kòd san kosyon, pandan li ap tann yon seyans depozisyon ki ka fèt nan kèk jou konsa.
Lapolis di Eaton te tire 3 mesye yo ak yon revolvè toupre Inivèsite Vermont samdi swa, epi te kraze rak.
FBI ak Biwo Alkòl, Tabak ak Zam ak Eksplozif ap ede otorite Vermont yo nan ankèt sou kesyon an.
Depatman Jistis tou pwal mennen ankèt pou detèmine si zak la se yon krim rayisman, dapre Minis Jistis Merrick Garland.
Nouvèl fè konnen viktim yo t ap pale arab nan moman an, e te pote echap akawo tradisyonèl nwa e blan ki idantifye Palestinyen nan mwayenn Oryan an, dapre lapolis.