Putin Rankontre Xi nan Woumble Senti ak Wout pou Koperasyon Entenasyonal la

Prezidan ris Vladimir Putin ak lidè chinwa Xi Jinping te gen yon reyinyon ke anpil moun t ap tann pou fèt nan okazyon Woumble Senti ak Wout pou Koperasyon Entènasyonal la ki ap dewoule jodi mèkredi a. 2 lidè yo pwofite rankont la pou yo chante lwanj pou relasyon sere ki ekziste antre yo, pandan y ap selebre relasyon politik ak ekonomik ki ap vin pi pwofon ant LaChin ak LaRisi.

Xi pale pou di :

« Respè politik ke 2 peyi yo len genyen pou lòt pa sispann vin pi pwofon. » Li bat bravo pou « kòdinasyon sere e ki byen mache antre yo, » e ke yo toujou kenbe.

Dapre kèk analis, rankont la pèmèt Xi prezante LaChin kòm yon lidè ke sa ki rele Sid Mondyal la ka chwazi.

Woumble sa a fèt pandan ke gen yon konfli militè ki ap vin pi grav ant Izrael ak gwoup militan palestinyen Hamas. Pandan LaChin ak LaRisi kondane frap aeryen Izrael kont Gaza e mande yon sese-lfe, Xi ak Putin pa pale de kesyon sa a an piblik.

Nan yon nòt pou laprès ke ajans Chin Nouvèl pibliye, Xi mande efò an komen ant Peken ak Moskou pou « pwoteje onètte ak jistis entènasyonal. »