Minis Afè Etranjè Kenya a se nouvo minis tourism peyi a, apre yon remaniman Kabinè Ministeryèl la kèk jou sèlman apre li te di fòs polis Kenya ki pral dirije misyon mentyen lapè pou Ayiti a, pral deplwaye "nan yon ti espas tan tou kout."
Alfred Mutua fè deklarasyon an yon ti tan apre Konsèy Sekirite Nasyonzuni an te apwouve fòs la Lendi epi anvan deklarasyon Prezidan William Ruto a.
Prezidan an pa mansyone kilè deplwaman an pral fèt.
Kenya pran angajman pou dirije fòs miltinasyonal ki pral ede polis nasyonal Ayiti konbat zak vyolans gang yo.
Plan sila a soulve anpil pale anpil andedan peyi Kenya epitou nan kominote entènasyonal la.
Pandan ke Mutua te pale piblikman sou deplwaman fòs miltinasyonal la ak preparasyon kap fèt pou sa nan Kenya, minis enteryè ak sekirite a limenm, prèske pa di anyen limenm.
Mutua remèt pòs li bay politisyen Musalia Mudavadi. Pa gen okenn chanjman ki fèt ni nan ministè defans la ni nan ministè enteryè a - ki se 2 ministè ki kritik pou misyon Ayiti a.