Jimmy Carter te vag sou woutin li ayè dimanch la, kote li pa te swiv sèvis legliz sou entènèt jan li konn fè, pou li, olye de sa, selebre 99èm anivèsè li ansanm ak madanm li Rosalynn, e ak pitit li yo, pitit-pitit li yo ak pitit 4èm jenerasyon li nan Plains nan eta Jòji.
Rasanbleman an fèt nan menm kay-bas kote Carter yo te viv anvan li te premye pase nan eleksyon pou Sena Jòji a an 1962. Pandan omaj ap vin jwenn li soti toupatou nan mond la, sete yon opònite pou fanmi Carter a onore eritaj pèsonèl ke yo reyalize.
« Sa ki enpòtan pou mwen, e m panse pou tout fanmi an sèke, pandan gran-paran mwen yo te akonpli anpil bagay, yo te vrèman rete menm koup la nan Sid Jòji, ki abite nan yon vilaj 600 moun, kote yo te fèt la, » se pawol pitit-pitit li Jason Carter, ki alatèt komite Sant Carter a, ke gran-paran li yo te fonde an 1982, yon ane apre ke yo te kite Mezon Blanch.
Jèn Carter a di, Malgre yo te pèsonalite mondyal, gran-paran li yo te toujou « fè li fasil pou jèn yo fè kou yo konnen pou yo rete moun nòmal. »