Pitit pitit Jimmy Carter fè konnen ex-prezidan an gen bon min, 3 mwa apre li tanmen pwosesis medikal kote yap pran swen lakay li olye lopital anvan li mouri.
Jason Carter di granpè li suiv diskisyon kap fèt sou eritaj li epi yo ranseye l sou travay imanitè Sant Carter ap fè toupatou nan mond lan.
Demokrat la, ki gen 98 an e ki se moun eta Joji, byen jwi krèm a la glas tou, dapre pitit pitit li. Jason di Jimmy ak Rosalynn Carter ap pase tan ak fanmi yo kounyea, men sak pi bèl la sè ke yo ansanm lakay yo nan vil Plains.
Li di granparan li yo trè rekonesan devan pakèt akolad ak sipo yo resevwa.
