Prezidan Joe Biden louvri nan Kan David, yon rankont o somè ak lidè Japon ak Kore di Sid Vandredi, ki gen kom bi pou ranfose lyen sekirite ak eknomik nan moman kote yo gen anpil kè sote pou menas nikleyè Kore di No poze, epitou pwovokasyon Lachin nan rejyon Pasifik la.
"Peyi nou ap pi fo e mond lan ap gen plis sekirite si nou kanpe ansanm. Mwen konnen se yon opinyon nou tout pataje."
Biden di tokay li yo Prezidan Sid Koreyen Yoon Suk Yeol ak Premye Minis Japonè Fumio Kishida li remèsye yo pou kouraj politik yo demontre.
Yoon di jounalis yo nan yon paret 3 lidè yo te fè ansanm ke li pral sonje Vandredi kom jounen istorik kote yo te tabli yon baz enstitisyonèl djanm epi pran angajman vizavi youn lot.
Kishida bo kote pa li di anvan chita tande prive yo te genyen an ke le fèt ke nou rankontre konsa mwen kwè vle di ke vreman vre nap fè listwa. Kominote entènasyonal la ap fè fas ak yon moman istorik.
Lèzetazini, Japon ak Kore di Sid pran nouvo angajman vizavi sekirite kote yo dako pou konsilte youn lot si ta gen yon kriz sekiritè oubyen yon menas nan Pasifik la. Detay sou nouvo angajman "deva pou konsilte" a te komanse parèt apre somè a te tanmen.
Anvan chita tande trilateral yo, Biden te rankontre separeman Yoon ak Kishida nan maten. Tradiktè te sou plas pou tradui komantè yo an Angle lè yo te pale ak jounalis yo.
Antant la se youn pami plizyè jefo konjwen lidè yo pral anonse pandan rankont o somè a kap dire yon jou.
Enfomasyon pou repotaj sa a soti nan Associated Press