WINDHAM, N.H. (AP) — Donald Trump ap lanse gwo kritik kont avoka espesyal Jack Smith epi li pwomèt pou l kontinye pale sou dosye kriminèl li yo menm lè lajistis ta mete yon lòd pwoteksyon pou limite prèv ke Trump ak ekip li a kapab pataje an piblik.
Touswit apre tribinal te fin akize li, Trump te rele Smith yon "komisè gouvènman bandi" e li te rele li tou yon "nèg deranje" pandan li tap fè kanpay nan eta New Hampshire Madi.
Li ensilte Smith kèk jou apre Depatman Jistis te mande yon jij pou apwouve yon lòd ki anpeche Trump pataje ak piblik la prèv ke tribinal la prezante ki gen rapò eleksyon 2020 an.
Pwokirè federal yo di ke Trump ap chèche "fè jijman an nan laprès olye li fè l nan tribinal."