Otorite Ameriken yo rapòte yon gwo bès nan kantite migran ki te travèse antre Ozetazini ilegalman nan mwad Janvye a apre administrasyon Biden nan te anonse règleman pi sevè. Bès sa a te kontinbye pandan mwad Fevriye a.
Done Sèvis La Dwan ak Pwoteksyon Fwontyè Etazini bay bon jan detay sou kiyès kap chache antre nan peyi a nan moman kote kestyon imigrasyon an soulve gwo pale anpil pami politisyen yo.
Repibliken yo akize Prezidan Biden ak Sekretè Sekirite Nasyonal Alejandro Mayorkas ke yo pa fè ase pou sekirize fwontyè sid peyi a.
Responsab Gad Fwontyè yo te kontre yon afè 130,000 moun ki tap chache travèse fwontyè a nan mwad Fevriye a legalman.
Se menm chif yo te anrejistre nan mwad Janvye a. Ajans la di se chif pi ba yo anrejistre depi mwad Fevriye 2021.