Otorite Ameriken yo di gen omwens 8 moun ki mouri apre 2 bato ki tap trafike migran anbachal te chavire tou pre kòt vil San Diego.
Se youn nan evenman kontreban maritim kote plis moun mouri, ki dewoule tou pre kot Etazini.
Otorite yo di yon dam ki pale panyòl ki te abò youn nan bato yo te rele sevis ijans 911 Samdi tou pre plaj ki rele Black's Beach la.
Vag yo pat telman wo men kouran dlo a anba sifas lanme te danjre epi te gen yon bwouya ki te lakoz yon fe nwe.
Ekip sekou te rale 8 kadav soti nan dlo a.
Yo pa jwenn okenn lòt moun.
Otorite yo di yo kwe res pasaje yo chape poul yo apre yo rive sou plaj la.
