Pwopozisyon an, ki nan kad efò administrasyon an pou jere pakèt migran k ap vini sou fwontyè Etazini-Meksik la, deja resevwa gwo kritik bò kote moun k ap defann imigrasyon.
Dapre pwopozisyon an, migran ki pa swiv wout legal pou yo vini Etazini oubyen ki pa chache azil imanitè nan yon lòt peyi kote yo pase pou vini Etazini an, yo p ap kalifye pou azil – sof si yo kalifye pou sèten eksepsyon.
Sa yo ki paka jwenn kalifikasyon pou eksepsyon sa yo oubyen ki pa pwouve ke yo te mande azil nan yon lòt peyi, yo p ap ka chache azil nan Etazini, e otorite imigrasyon ap pimpe yo tounen rapid nan peyi pa yo san okenn chans pou yo parèt devan yon jij imigrasyon.
Depatman Sekirite Enteryè ki gen ti non DHS fè konnen piblik la pwal gen 30 jou pou reflechi sou regleman ki nan pwopozisyon an anvan DHS aplike li, e ke depatman an espere ke l ap ann aplikasyon pa pita ke nan koumansman mwa Me.
