Washington —
Yon pòt pawòl Depatman d Eta demanti nouvèl Haiti Channel Network pibliye sou Twitter ki di kòm kwa ansyen Anbasadris Etazini Michele Sison ta detounen anviwon $40 milyon. Nouvèl la di Senatè Ayisyen Joseph Lambert, ki se prezidan Sena Ayisyen an, te mande Kou Siperyè dè kont pou'l mennen ankèt sou kestyon sa a.
Yon pòt pawòl di VOA Kreyòl nouvèl la "Pa baze sou okenn fè".
Senatè Lambert te demanti nouvèl la tou sou kont Twitter ofisyèl li.
"Sispann kanpay mansonj la! Kontrèman a sa @NHaitichannel di, nan kalite mwen antanke Senatè mwen te mande CSCCA yon odit jestyon fon BINUH te jere pou aktivite referandòm (avòte) kote leta Ayisyen te depoze $40 milyon."
Fred Cayemitte kontribye a repotaj sa a