Aktris Julianne Moore pral prezide juri a pou prensipal konpetisyon Festival Entenasyonal Sinema Veniz la. Se direkte festival la, Alberto Barbera ki anonse nouvel la Vandredi.
Moore, ki se yon loreya pri Oscar, pral prezide yon juri ki gen ladann sineyas franse Audrey Diwan, ekriven Kazuo Ishiguro, epi akte Iranyen Leila Hatami.
Yo tout vw vwayaje ann Itali mwa pwochen an pou deside prensipal pri festival yo, ki se Lyon do pou meye film, epi Lyon ajan pou meye miz an sen.
Nan Los Angeles, Khloe Kardashian ak baskete Tristan Thompson anvizaje yon lot pitit ansanm - yon ti se ou fre pou pitit yo a, ki gen 4 an. Men se yon substitu ki va fe pitit la pou yo - donk pa konte sou yon reyunyon ant mesye dam yo.
Yon reprezantan Madmwazel Kardashian pibliye yon deklarasyon kote li fe konnen ti bebe a nan vant substitu a depi mwad Novanm e ke se yon benediksyon.
Nap raple ke Khloe ki gen 38 an, te komanse soti ak Thompson, ki jwe pou Chicago Bulls an 2016 e mesye-dam yo te fe fas ak anpil tet chaje ki te lakoz yo te kase plizye fwa.
Nan mwad Desanm nan nouvel te paret pou di kom kwa Thompson te ann afe ak yon manken ki rele Maralee Nichols e ke mamzel ansent pou li.
Nichols fe yon pitit gason pou baskete a ki gen 7 mwa kounyea e li te asiyen misye pou fe'l pran test pou pwouve pitit la se pou li vreman vre.
Nan Lond, Akte Kevin Spacey plede non koupab a akizasyon deske li te abize seksyelman 3 gason sa gen plis pase 10 zan desa.
Akte a ki te atire atansyon anpil moun ak pefomans li nan seri televize House of Cards, te konparet devan tribinal Jedi. Yon jij fikse dat pou pwose li kom 6 Jyen 2023. Pwose a pral dire ant 3 ak 4 semen.
La jistis akize Spacey de 4 chef d'akizasyon pou abi seksyel. Ensidan yo te dewoule ant 2005 ak 2013. Viktim yo gen ant 30 ak 40 an kounyea.
Nan Chicago, R. Kelly te retounen nan prizon federal la anba lavil Chicago, anvan pwose li pou pornografi timoun ak antrav a la jistis. Nouvo pwose a ap dewoule 2 semen apre yon tribinal nan Nouyok te kondane vedet R&B a pou'l pase 30 an nan prizon pou ralet al trafik seks.
Jounal Chicago Tribune rapote ke Kelly, ki gen 55 an te rive Chicago Madi.
Seleksyon jiri a pou pwose a nan Chicago pral tanmen 15 Out.
Enfomasyon pou repotaj sa a soti nan Associated Press