Anpil doktè, enfimyè ak plizyè lòt pwofesyonèl lasante nan peyi d'Ayiti lanse yon grèv pou pwoteste kont zak kidnaping yo ki ogmante nan peyi a.
Manifestan te boule kawotchou epi bloke wout la madi. Grèv 3 jou sa lakoz enstitisyon sante piblik ak prive nan kapital Pòtoprens yo fèmen pòt yo.
Sèlman sal dijans yo ki te aksepte pasyan. Yon dènye rapò Nasyonzini te di ke ka kidnaping ann Ayiti te ogmante 180% nan ane ki sot pase yo. gen 655 ka ke fanmi moun yo te rapòte bay lapolis.
Chofè transpò piblik yo planifye pou yo lanse yon grèv Jedi.