FIFA voye jete yon pwotestasyon Federasyon foutbol Jamayik la te fe apre match nil 1-1 li fe ak Etazini. Match sa a sete pou kalifye pou Koup di Mond la, e li te dewoule 16 Novanm.
Komite disiplin FIFA a deklare nan yon desizyon ki kouvri 8 paj ke Jamayik pat notifye komise ki tap prezide match la de pwotestasyon sa a e li pat peye non plis $1,075 ki dwe akonpaye pwotestasyon an.
Jamayik deklare abit Costa Riken Juan Gabriel Calderon pat penalize Ameriken yo pou yon touch nan premye mitan match la, e ke Damion Lowe te dwe resevwa kredi pou gol li te make nan 84em minit match la, le li te sote byen wo pou depase Walker Zimmerman.