Faksyon kap fè lagè nan Yemen yo nan peyi Lasuèd kounye a pou yon nouvo faz chita-pale lapè ki vize mete fen nan 4 tran afwontman ki preske lage ti penensil arab la nan gwo grangou. Negosyasyon lapè Nasyon Zini ap patwone yo, e ki tanmen jedi 6 desanm nan vil Rimbo, se premye rankont lapè ant gouvènman Arabi Sawouditt ap apiye a ak rebèl Houthi yo nan 2 zan.
Chita-pale sa yo ap dewoule nan moman mekontantman kominote entènasyonal la ap vale teren, yon mekontantman ki makonen ak yon kriz imanitè san bliye asasinay jounalis sawoudyen Jamal Khashoggi ajan sekrè wayòm Wahabit la te touye andedan konsila sawoudyen-an nan vil Istanboul , an Tiki, nan kòmansman mwa oktòb pase a.
Pwofesè Zubair ( Zoubèr ) Iqbal, kap travay pou Enstiti Mwayen-Noryan an isit Washington , di Lavwad_Lamerik, se dosye sa a ki fòse otorite sawoudyen yo retounen arebò tab negosyasyon an, paske sena Etazini-an pare pou l bloke èd nan direksyon Riyad poutèt asasinay Khashoggi a.