WASHINGTON —
Pantagon nan deklare Mèkredi ke pandan 24 hè ki pase yo li wè kèk twoup Ris Ozalantou Kyèv ki pran direksyon no a oubyen ki antre Byelorisi.
Sekretè de près John Kirby deklare Etazini pa konsidere sa tankou yon retrè men pito yon tantativ La Risi ap fè pou apwovizyonen, fè koreksyon epi re-pozisyone twoup li yo.
"Nou pa konnen ki kote egzakteman twoup sa yo prale," Kirby deklare.
Sepandan li fè remake ke La Risi pale de priyorize rejyon Donbas la. Kirby fè komantè sa yo sou rezo televizyon Ameriken CNN ak Fox Business.
Kirby ajoute ke Sekretè Defans Etazini an, Lloyd Austin ak Jeneral Lame Mark Milley, ki se Chèf Deta Majo Fos Zame Etazini, kontinye eseye pale ak tokay Ris yo men yo poko "reponn e yo pa di yo gen entansyon fè sa.
