Yon sel teworis responsab pou atak ak bonm suisid ki fet tou pre ayewopo Kaboul la Jedi - pa 2 moun jan yo te kwe sa anvan - se sa Depatman Defans Ameriken an fe konnen jodi Vandredi a.
"Li pa etonan ditou ke konfuzyon evenman dinamik tankou sa a kreye kapab lakoz enfomasyon nap releye a pa korek," Jeneral lame Etazuni Hank Taylor di jounalis yo pandan yon rankont pou lapres nan Pantagonn nan.
Pot pawol Pantagonn nan John Kirby di Etazuni kwe gen lot menas "spesifik e kredib" ki egziste pou ayewopo a kounyela a. Li ajoute "setenman nou pare e nou atann nou aske pral gen tantativ nan lavni."
Malgre risk sa yo, foul moun ki paka tann pou yo kite Afghanistan te rasanble devan ayewopo Kaboul la bone Vandredi nan moman vol evakyasyon yo reprann, e mwenske yon jou apre atak motel la.
Jounal Ameriken Wall Street Journal rapote foul yo te dispese Vandredi le bwi te komanse kouri komkwa yon lot atak teworis tapral dewoule nempot kile. Yon jounalis Vwadlamerik ki t'al nan zon nan Vandredi maten di lari a te preske blanch, e ke Taleban an te bloke akse a wout ki mennen nan ayewopo a.
