Kek pami refije Ikrenyen ki rive Polòy jodia nan moman Prezidan Joe Biden ap vizite pa gen anpil espwa sa pral bay rezilta rapido presto lakay yo.
Biden rive Polòy Vandredi kote premye vizit li sete ak solda Ameriken ki estasyone tou pre frontye Ikren. Men opinyon refije Ikrenyen yo sou vizit li.
"Byen su mwen pa atann mwen de anpil bagay. Mwen kwè nan mesye Ikrenyen nou yo. Nou vreman vle retounen lakay ak tout ke nou e nou gen konfyans nap tounen anvan lontan. Mesi tout moun pou sipò nou, sitou Polòy kote yo byen resevwa nou. Men lakay se lakay, e nou espere tounen," Ira Satula, yon refije Ikrenyen deklare.
Nan Polòy Biden pral resevwa detay sou repons imanite ak kriz refije yo ak sa kap soufri nan Ikren.
"Nou la sou frontye a men lakay yap goumen. Se yon bel bagay ke yo byen resevwa nou, sa ede nou gen lape. Yap ede nou ak tout bagay paske nou pat pati ak anpil bagay. Se kek ti sache selman nou gen nan men nou. Evantyelman mwen espere nap soti vivan e ke nap genyen paske se sa ki jis. Fok libete genyen. Poloy se yon peyi lib mwen kwe tout bagay pral byen mache. Epi kanmenm nap kapab tounen lakay nou yon jou," Marina Samoilenko deklare.
"Mwen kwe se mwatye-mwatye se opinyon pam. Mwen kwe nou te bezwen ed depi lontan. Nou tap tann ed la byenn antandi se yon bagay ki nomal. Kounyea prezidan nou Zelensky gen pou'l goumen ak volè sa yo. Li resevwa zam pou goumen men sa pa ede - se pou granmèsi paske 60% vil Chernihiv detwi. Anvan lagè a sete yon bel vil, nou tap mache, repoze, pran plezi nou. Men se konsa bagay yo ye kounyea," Olga Antonovna di.
Biden pral pase jounen Samdi a nan Poloy kote li va pwononse yon diskou anvan li pran avyon pou tounen Washington.
Enfomasyon pou repotaj sa a soti nan Reuters
