Asanble Jeneral Nasyon Ini te deziye 18 Desanm kom Jounen Entènasyonal Migran yo an 1990, avek adopsyon yon rezolisyon ki rele Konvansyon Entènasyonal sou Pwoteksyon ak Dwa Tout Travayè Migran yo ak Manm Fanmi yo.
Depi dat sa a, mond lan make jou sa dives fason.
Sekretè Jeneral Nasyon Ini, Antonio Guterres pibliye yon mesaj sou kont Twitter li a kote li rekonet kontribisyon migran yo pote toupatou nan mond lan, fas ak plizyè defi - pami yo pandemi a.
Nasyon Ini pibliye yon mesaj sou kont Twitter ofisyèl li pou make dat la tou.
"Gen yon moun sou 30 ki se yon migran. Samdi #MigrantsDay (Jounen Migran yo) se yon opòtinite pou selebre plizyè milyon migran ki fè pati entegral sosyete kote yap viv, epi kontribisyon yo pote lakay yo ak nan peyi ki akeyi yo."
Pou make dat sa a, VOA Kreyol voye Jean Robert Philippe sou frontyè eta Kalifoni ak peyi Meksik pou pale ak migran Ayisyen yo.
Pou plis enfo sou jounen Entènasyonal migrasyon, gade repotaj Lyonel Desmarattes la.
