Responsab yo nan vil Nashville, eta Tennessee pare pou vote pou re-enstale youn pami 2 depite Demokrat nwa yo kolèg Repibliken yo te ekspilse semèn pase a, akoz yo te pwoteste an favè yon lwa ki mete plis kontwol sou zam nan palman an. Yo te pwoteste konsa apre yon fiziyad nan yon lekol.
Konsèy metwo a gen pou vote Lendi pou voye Depite Justin Jones tounen nan palman an.
Plizyè manm konsey la di yo vle voye Jones tounen nan palman an.
Depite Justin Pearson limenm ki reprezante vil Memphis nan palman eta a taka jwen pèmisyon pou l reprann syèjpa li Mèkredi, apre rankont Komisyon Awondisman Shelby a.
Ekspilsyon yo klere yon limyè sou eta Tennessee epi soulve gwo deba ak pale anpil pa rapo ak avni demokrasi Ozetazuni an menm tan ke li mete 2 palmantè dechu yo devan je pèp Ameriken an.
