Palman eta Tennessee ke Repibliken yo kontwole ekspilse 2 pami 3 depite Demokrat yo poutèt yo te pwoteste an favè yon mezi pou kontwole zam sitwayen yo gen dwa posede apre yon fiziyad nan yon lekol nan vil Nashville.
Chanm depite a vote pou mete deyo Depite Justin Pearson ak Justin Jones Jedi (yo tou le 2 se nwa) tandiske yo kite Depite Gloria Johnson, yon blanch, rete. Moun kritike palman an de rasis.
Lidè Repibliken yo demanti ras te jwe yon wol nan desizyon an.
Ekspilsyon se yon mezi ekstraodinè ke chanm depite a sèvi selman rarman depi apre Gè Sivil Etazini an.
Mezi a pran apre depite Demokrat yo te chante byen fo andedan palman an ansanm ak patizan kontwol zam yo, kèk jou apre 6 moun te mouri nan yon fiziyad nan yon lekol.
