Prezidan Etazini Joe Biden gen pou li pale ak nasyon-an aswè a e pale sou repons Etazini pou atak ke Hamas sot lanse kont Izrayèl-la ak lagè LaRisi nan Ikrèn nan.
Biden te vizite Izrayèl ayè mèkredi-a, kote li pote mesaj sipò pou Izraelyen yo pandan li t-ap travay pou jwenn èd imanitè pou Palestinyen-yo nan Gaza.
Etazini anonse yon èd 100-milyon dola pou Gaza ak Sisjòdani, epi administrasyon Biden nan ka pwopoze 100 milya dola asistans anplis pou Izrayèl, Ikrèn, Taiwan epi pou sekirite sou fwontyè Etazini Meksik la.
“Administrasyon-nou-an te an kontak sere ak otorite-yo nan premye moman atak la,” se sa Biden di ayè mèkredi a nan capital Izrayèl-la Tel Aviv. Li kontinye pou di, “Depi dè dizèn lane, nou asire nou ke Izrayèl gen lame kòrèk. E semenn sa-a, mwen pwal mande Kongrè-a yon sipò ke mwen pa te janm mande anvan pou defans Izrayèl.”
