Avoka gouvenman Ikrenyen an ki gen eksperyans ak krim lagè dekouri 9 kadav nan yon fos komin nan lakou yon legliz lokal. Sa fe 30 moun yo jwenn ke fos Ris yo kouri antere nan moman yo tap kite vil Bucha.
Pandan li tap mache nan Bucha, yon jounalis te rankontre 24 temwen okipasyon Ris la.
Prèske tout moun di yo te wè yon kadav, pa fwa plis.
Sivil - gason pou pi fo - mouri. Pa fwa solda Ris yo te tire yo san rezon.
Anpil moun, ladann gen granmoun di yo te santi yo menase.
Kestyon sivivan yo, anketè yo ak mond lan ap poze se: poukisa?
Ikrèn wè orè sak pase Mariupol, Kharkiv, Chernihiv ak Irpin.
Sepandan imaj ki soti nan vil sa a, a yon distans yon hèd tan pa wout ak Kyèv - kote ki gen kadav boule, sa ki gen men yo tache dèyè do yo, epapiye bo kote bisiklèt, machin kraze - se de bagay moun toupatou nan mond land paka bliye.
Sitwayen Bucha ki kite kay yo pou mache nan lari ofri teyori pa yo.
Genyen ki kwè Ris yo pat pare pou yon batay pwolonje oubyen yo te gen konbatan ki pa gen disiplin kap goumen avè yo.
Gen lot ki kwè yo te mache de kay an kay pou vize jèn gason ki te goumen kont La Risi pandan ane ki pase yo nan rejyon separatis yo nan ès Ikrèn.
Pa fwa yo di Ris yo yomenm te esplike poukisa yo touye yon moun.
Nan yon lakou nan Bucha te gen 3 twou vwazen yo fouye pou mete kadav yo pakse yo te pè mete yo lot kote.
Youn mouri 4 Mas apre solda Ris yo frape'l ak yon zam.
15 Mas, yon zanmi moun sa a di Ris yo te pwoche bo kote misye pou mande'l dokiman li.
Li reponn yo lakay li. Nan wout, yo pase bo kote twou kote yo antre moun yo. Li siyale Ris yo.
Apre sa, yon temwen di solda yo tire'l. "Li tap pale twop,"youn nan yo di epi li komanse joure. Ala fen yo voye tout disiplin yo te genyen ale.
Roman Skytenko, 24 an di yo te transfome de solda nomal a yon bagay ki pi mal. Yo voye grenad nan sousol, yo voye kadav nan pui.
Yon granmoun nan yon kay pou moun aje mouri nan kabann ni akoz neglijans pandan yon moun pi jèn ki petèt tap pran swen li mouri pa bal devan kay la.
Granmoun fanm yo resevwa lod pou yo pa mete tet yo deyo si yo pa vle mouri.
Kounyea ke Ris yo pati, sekouris ki pè pyèj ap koleksyone kadav.
Gen sak kadav epapiye nan simityè a. Kèk pa fèmen konpletman.
Yon kout je tonbe sou yon jèn moun. Figi li kouvri ak san.
Yon lot kote nou wè yon pè tenis blan.
Majistra Bucha a di gen 320 sivil ki mouri dapre konsta ki fèt Mèkredi.
Pi fo mouri anba kout zam, e kèk kadav ki te gen men yo mare dèyè do yo te epapiye tankou mosso bwa pou fè dife nan fòs komin.
