Atis ayisyen Roody Roodboy kite lopital nan vil Orlando, eta Florid kote li tap resevwa tretman apre yon aksidan otomobil nan granm maten dimanch.
Roody vwayaje Florid pou yon spektak kote li tap jwe ansanm ak chantez Ayisyèn Darline Desca. Yo gen yon chante ansanm ki popilè a mo ak fanatik yo ki rele "M pa Kyè." Bal la te fèt nan Cafe Kreol & Bar Corp nan Orlando. Yon sous di VOA Kreyol ke yon kont ki te pete pandan evenman an, ki te lakoz yo te sispann ni. Se konsa, Roody te kite bal la epi monte nan machin ki te fè aksidan an.
Ponpye te oblije entèveni pou wetire atis la nan machin nan, paske li te bloke andan an.
Nan mesaj li mete sou Instagram, Roody fè konnen li gen anpil doulè men apa sa li pa pi mal. Misye remèsye tou, fanatik, zanmi ak manm laprès ki voye mesaj ba li.
Roody te gen pou'l prezante yon lot konsè nan eta Rhode Island, nan nodès Etazuni men li oblije anile spektak sa a apre aksidan an.
