Ajans Nasyon Zini pou Refijye yo lanse apèl bay tout gouvènman pou l mande yo aksepte resevwa lakay yo sitwayen Venezuela kap kouri kite peyi yo, paske: "Majorite nan sitwayen venezuelyen yo twouve yo nan yon sitiyasyon kote yo gen bezwen pwoteksyon dwa entènasyonal bay tout refijye."
Nan yon konferans pou lapres Madam Liz Thros-Sell, pòtpawòl ajans la, bay byen bonè madi 21 me 2019 la nan vil Jenèv, an Swis, li atire atansyon sou le fèt ke sitiyasyon politik, ekonomik ak respè dwamoun ap vin pi mal, sa ki kreye kèk kondisyon imanitè ki deplorab; e, dapre li, se sa ki fòse venezuelyen yo kite peyi yo.
Venezuela ap fè fas ak yon kriz sosyo-ekonomik kap deteryore chak jou pi plis. Nasyon amerik latin la ap viv yon konfli politik ki gen yon kote yon Prezidan pwovizwa Juan Guaido ke Etazini ak plizyè lòt peyi ap sipòte e yon lòt kote prezidan Nicolas Maduro ki tounen yon gouvènman konteste apre dènye eleksyon prezidansyèl yo nan Veenzuela. Larisi, Lachin ak Kiba ap sipòte rejim Maduro a.
