Nan kad pasaj li sou kontinan ewopeyen an, Leslie Voltaire fè eskal, pandan weekend nan, nan Vatikan kote l rankontre chèf legliz katolik la.
Nan yon kominike li pibliye sou Facebook, biwo laprezidans fè konnen prezidan KPT a ak nimewo 1 legliz katolik la diskite sou sijè tankou dwa moun ak enstabilite politik k ap ravaje Ayiti.
Nan chita pale a, Leslie Voltaire mande sipò Lepap pou òganize yon konferans entènasyonal solidarite pou Ayiti nan Vatikan, yon fason pou yo mobilize komimote entènasyonal la sou kriz Ayiti a.
Chèf legliz katolik la, bò kote pa l, voye solidarite l ak priyè l pou pèp ayisyen an.
Laprezidans souliye, "Rankont sa a se yon pwogrè enpòtan nan relasyon Ayiti ak Vatikan".
