Plizyè milye militan anti-avotman rasanble Washington Vandredi pou patisipe nan manifestasyon anyèl "Mach pou Lavi a" kote yap chache pwofite momèntom seri viktwa yo ranpote nan tribinal epi kenbe presyon sou palmantè yo.
52èm Mach Pou Lavi a ap dewoule Vandredi e oganizatè yo estime apepre 150,000 moun pral patisipe ladann.
Apre plizyè deseni kote yo tap goumen pou ranvèse lwa Roe vs Wade la ki te akode medam Amerikèn yo dwa pou yo fè avotman, oganizatè mach la yo kounyea vire atansyon yo sou eta kap goumen pou pwoteje dwa medam yo genyen pou jete pitit.
