Lwa sa a, Kongrè ameriken an te pase an 2024 e ki te antre an vigè dimanch 19 janvye a, te mande konpayi ki paran platfòm Tiktok la, ByteDance, vann ni bay yon konpayi ameriken oubyen sibi entèdisyon pou aplikasyon mobil la fonksyone sou teritwa ameriken an.
Samdi nan aswè, kèk èdtan avan entèdiksyon an te antre an vigè, aplikasyon mobil la te sispann travay pandan kèk èdtan.
Lwa sou TikTok la prevwa yon amann $5.000 pou tout founisè aplikasyon mobil ak entènèt ki pa pran aksyon nesesè pou aplike li.
Sanksyon sa a se depatman Jitis la ki sipoze fè respekte li, men Donald Trump bay lòd pou yo poze sou dosye a pandan 2 mwa edmi.
Li gen entansyon evalye tou risk sekirite TikTok ak aksyonè Chinwa li yo poze, epi "detèmine si mezi TikTok deja pran yo ase."
