Migran ki tap eseye evite lapolis arete yo mete dife nan kouvèti lèn ak matla nan yon kan refije nan vil Chihuahua nan no Meksik apre yon desant delye fos gouvènman yo te fè pou vide kan an bonè Samdi.
Aktivite sa a tou pre fwontyè Etazini, vini yon ti moman anvan envestiti Prezidan-eli Donald Trump Lendi. Trump akize gouvènman Meksiken an dèske li pa fè ase pou anpeche migran chankre ilegalman Ozetazini. Li menase tou pou l pran sanksyon kont Meksik akoz de sa.
Pa gen moun ki mouri ni blese nan ensandi a, ke ponpye te rive etenn apre yon hè d tan.
Ajans migrasyon Meksik pa reponn demann ajans nouvèl Reuters fè pou komantè.
Sepandan, yon responsab migrasyon ki pat gen otorizasyon pale ak jounalis di Reuters objektif operasyon an sete transpote migran yo sou fwontyè sid Meksik, kote yo tapral mande yo tounen nan peyi natif natal yo.
Li pa klè ki kantite moun otorite yo arete.
