Polisye Kenyan ki fe pati fos miltinaysonal LONU apiye a poze pou yon foto ak drapo peyi yo apre yo debake nan ayeropo entenasyonal Toussaint Louverture la nan Potoprens, Ayiti, 18 Janvye 2025.
Yon Nouvo Kontenjan Solda Kenyan Debake Ayiti
POTOPRENS —
Yon kontenjan 217 nouvo polisye kenyan debake nan ayopò Toussaint Louverture, samdi 18 janvye 2025 lan pou vin ranfòse misyon miltinasyonal la.
Nan lide pou ranfòse MMS la epi ede lapolis Nasyonal Ayiti nan batay lap menm kont gang yo an Ayiti, peyi Kenya voye 217 nouvo polisye sa yo an Ayiti.
Polisye Kenyan ki fe pati fos miltinasyonal LONU apiye a kanpe sou pis aterisaj ayeropo entenasyonal Toussaint Louverture la nan Potoprens, 18 Janvye 2025.
Ajoute ak 380 polisye ki te deja prezan sou sol Ayiti a, sa fè preske 600 Kenyan ki an Ayiti pou ede PNH la kwape gang ki okipe plis pase 80% nan zòn metwopolitèn nan.
N ap fè sonje, fòs miltinasyonal la gen sòlda ak polisye tou ki soti Jamayik, Guatemala, Beliz, Salvado ak Bahamas.
