Depatman Sekirite Nasyonal la di gen apepre 600,000 Venezyelyen ak plis pase 200,000 Salvadoryen kap viv Ozetazini ki kapab rete legalman nan peyi a pou yon lot 18 mwa.
Anons la, Vandredi, vini yon semenn anvan Prezidan-eli Donald Trump monte sou pouvwa a. Misye pwomèt pou l adopte politik sere-boulon nan domèn imigrasyon an tou suit.
Deziyasyon TPS la (Stati Tanpore Pwoteje)bay moun yo akòde l pemisyon legal pou rete Ozetazini men li pa dispoze opòtinite a lon tèm pou yo vin sitwayen peyi Etazini.
Victor Macedo, yon Venezyelyen ki gen TPS ap travay nan domèn konstriksyon nan Florid. Misye di Associated Press li kite peyi natal li akoz menas lanmò li tap resevwa pou rezon politik. Misye di AP: pwolongasyon an se "yon gwo soulajman. Mwen te pè."
