Gwo zotobre Ameriken ak etranje ap rann omaj ak defen Prezidan Jimmy Carter pandan fineray d eta li ki dewoule nan Katedral Nasyonal Washington nan maten an.
2 ansyen prezidan - pami yo youn ki pral re-monte sou pouvwa a tale konsa, te chita ansanm epi koze. Donald Trump te koute ak anpil atansyon pandan Barack Obama tap pale. Tou le 2 te gen yon atitid sonb.
Obama asiste fineray la san madanm ni, Michelle, men li te chita nan menm ranje ak ansyen prezidan George W. Bush ak Bill Clinton, epi madanm yo. Prezidan Joe Biden ak premye dam Jill Biden te chita nan premye ranje a yomenm.
Trump pat pale ak lot prezidan ki te chita nan menm ranje ave l, men li te gade le Vis Prezidan Kamala Harris, ke li kale nan eleksyon prezidansyel Novanm lan te rive nan legliz la. Sepandan li pat fe okenn efo pou l salye l.
Sete yon reyinyon ra klib prezidan yo.
Fineray d Eta a rann omaj a Carter. Lide wo plase Demokrat ak Repibliken mete diferans yo sou kote pou onore memwa 39em prezidan Etazini an.
Apre fineray deta a, yo pral transpote sèkèy prezidan an nan vil natal li nan eta Jòji kote yo va antere l.
2 fineray ki ap dewoule jodi Jedi a mete fen nan 6 jounen evenman nasyonal nan lonè 39èm prezidan Etazini ki te mouri 29 Desanm a laj de 100 an.
Prezidan Joe Biden pwononse elòj la.
Siksesè prezidan Carter yo asiste mès espesyal la tou, ansanm ak plizyè diyitè.
Apremidi a ap gen yon seremoni prive nan vil Plains, Jòji ke fanmi, zanmi ak fidèl legliz Batis Maranatha va asiste.
Yo pral antere Carter bò kote madanm ni, Rosalynn Carter nan menm vil kote yo te pran nesans epi viv jiska lanmò yo.
