WASHINGTON —
Pwosesyon fineray Jimmy Carter rive Washington Madi apre li finn pase nan eta natal li, Jòji.
Sèkèy 39èm prezidan Etazini kite Sant Prezidansyèl Carter la Madi Maten epi li pran avyon pou Washington abò yon avyon yo rele Misyon Ayeryen Espesyal 39.
Fanmi Carter la ak ansyen prezidan an pral rive nan baz aviyasyon Joint Base Andrews, epi yon kotèj va kondui yo nan Moniman Fòs Naval Etazini. (Carter te sèvi nan fòs naval peyi a).
Sèkèy Carter la vlope ak drapo Etazini. Yon kawòs ak chwal va transpòte li nan Capitol la.
Carter se sèl prezidan Etazini ki te gradye nan Akademi Fòs Naval Etazini.
Manm Kongrè a pral rann omaj ak Carter nan Rotunda a Madi apremidi.
