Aprè premye minis lan Alix Didier Fils-Aimé te fin anonse li pase enstriksyon ak minis finans lan pou tchotcho polisye yo ogmante, nan yon videyo ki t ap sikile sou paj X Laprimati @PrimatureHT, jedi 19 desunam 2024, Alfred Métellus, aktyèl minis ekonomi ak finans lan, konfime nan laprès polis nasyonal la pral resevwa 1,9 milya goud sou yon lane.
Kòb sa a pral disponib sou kat debi PNH la ki gen ti non « Ti kat la ». Daprè minis ekonomi ak finans lan 1,9 milya goud sa a ap bay apeprè 190 milyon goud pa mwa sou yon peryòd 12 mwa.
« Grand argentier » peyi Dayiti a te kontinye pou l di desizyon sa a ap kòmanse aplike pandan mwa desanm sa a epi kòb sa a pral tou rantre nan bidjè PNH la. Li di tou se yon desizyon ki p ap chanje.
