Daprè Lapolis, twa medam sa yo, se mennaj oubyen konkibin chèf gang Luckson Elan k ap dirije gang Gran Grif la ak Jonas ki nan tèt gang Palmis la.
Akize yo jwenn arestasyon yo nan moman yo t ap eseye kite depataman Latibonit lan pou al mawon nan Sendomeng.
Sepandan, "Gras avèk Maryaj Polis Popilasyon an", fòs lòd yo rive fouke konkibin chèf gang yo avan yo te gen tan chape poul yo pou al kache kay vwazen, nan RepiblikDomininikèn.
Apre arestasyon yo, medam yo avwe bay lapolis yo konn frekante gang Savyen yo. Gen youn ladan yo, ki menm konfese avan l te ak chèf ki la kounya, li te renmen ak yon ansyen manm gang ki rele Djed MacKenzie.
N ap fè sonje, gang Gran Grif la dèyè masak 3 oktòb 2024 la nan lokalite Ponsonde a, kote yo te touye plis pase 100 moun.
