Daprè M. Mouala se pèsepsyon jèn yo ki kwè maladi SIDA pa egziste ankò nan peyi a, k alabaz sitiyasyon sa a. Sa ki lakoz yo pa pran okenn prekosyon ki ta ka evite yo enfekte.
Christian Mouala te dakò pandan entèvyou a sou yon lyen ant vyolans gang yo nan peyi ak ogmantasyon ka maladi SIDA a kay jèn yo. Li kore lide sa a nan raple genyen 80% nan enfrastrikti sanitè nan rejyon metwopolitèn Pòtoprens lan ki fèmen, genyen tou ogmantasyon vyolans ki chita sou « genre » yo nan kontèks n ap viv la.
Daprè Christian Mouala, ou jwenn nouvo ka maladi SIDA yo 2 fwa plis kay jèn fi yo pase jèn gason yo paske medam yo pi ekspoze ak faktè vilnerabilite yo. Li site kòm faktè vilnerabilite: baryè sosyokiltirèl yo ak kontèks vyolans peyi a pa sispann konnen.
25 % nan Ka Nouvo Moun ki Gen SIDA yo nan Tranch Laj 15-24 an, Daprè ONUSIDA
Nan yon entèvyou li t ap bay nan emisyon Panel Magik, sou radyo Magik9, jou ki te lendi 2 desanm 2024 la, Direktè ONUSIDA nan peyi Dayiti, Christian Mouala, fè konnen nouvo ka maladi SIDA yo ogmante anpil lakay jèn ki genyen ant 15 ak 24 lane yo.
