Nan yon nòt li pibliye ayè lendi a, biwo laprezidans di li deplore " grav ensidan" kote fòs lòd yo te egzekite plizyè pasyan ki te abò anbilans Medsen San Fwontyè.
Laprezidans fè sonje "Anbilans se yon espas pwoteje e yon sanktyè selon dwa imanitè entènasyonal"
Pou biwo laprezidans, aksyon polisye yo se yon vyolasyon grav dwa fondamental pou bay asistans ak moun ki andanje, kèlkelanswa estati ak idantite moun nan.
Pi lwen laprezidans mande pou otorite nan PNH la ouvri yon ankèt yon fason pou ranfòse konfyans popilasyon an nan enstitisyon an.
