Prezidan Joe Biden padone pitit gason li, Hunter. Padon prezidansyèl la pèmèt Hunter Biden evite yon posib santans prizon pou krim federal posesyon yon zam, epi kondanasyon pa rapo ak enpo li pat peye.
Desizyon Biden nan ale kont pwomès li te fè anvan sa pou l pa itilize pouvwa prezidansyèl pou benefis fanmi li.
Prezidan Demokrat la te di nan le pase ke li patap padone pitit gason li ni anile santans li pou kondanasyon lajistis nan eta Delaware ak Kalifoni.
Mezi a vini kèk semèn sèlman anvan Hunter Biden te sipoze resevwa pinisyon li pou kondanasyon lajistis nan dosye zam lan ak dosye enpo a kote li plede koupab.
Padon Hunter Biden nan fèt mwenske 2 mwa anvan Prezidan-eli Donald Trump retounen nan Lamezonblanch.
