Anbasadè adjwen peyi Lachin nan Nasyon Zini Geng Shuang te deklare “Nan mwa pase a, konsèy la te pwolonje manda fòs miltinasyonal, epi kounya, lap diskite pou fè fòs sa a tounen yon Fòs misyon mentyen lapè".
Li Kontinye pou l di” Fòs myentyen lapè sipoze deplwaye kote ki deja gen lapè e lè ou bezwen lapè dire pi lontan”.
"Deplwaye yon fòs mentyen lapè nan moman sa a, se pral plis mete fòs mentyen lapè a sou chan batay la fas ak gang yo."
Anbasadè ann apre Larisi nan Nasyon Zini, Dmitry Polyansky, di "chòk ak laterè" pou sa ki ap pase nan lari Pòtoprens; li lonje dwèt sou Etazini ak lòt peyi ki te kòmanse sipòte fòs miltinasyonal la epi kounye a ki echwe pou finanse li.
Li deklare "Kondisyon ann Ayiti a pa apwopriye pou yon fòs mentyen lapè Nasyonzini," "Wòl yo se kenbe lapè epi yo pa konbat krim nan zòn iben oswa pou sove yon eta disfonksyonèl ki plonje nan konfli domestik."
Yon lòt kote Anbasadè adjwen Ameriken Dorothy Shea di konsèy la: avèk sipò ayisyen, epi sipò Kenya, "li lè li tan pou Konsèy Sekirite a aji pou pran premye etap yo pou apwouve demann Ayiti a pou ede retabli sekirite pou pèp ayisyen an."
Anbasadè adjwen an kontinye pou l di: Tranfòme fòs la kòm yon misyon mentyen lapè Nasyonzini, ta fasilite fòs miltinasyonal la ak peyi ki sipòte li yo " pwofite de estrikti sipò finansye, pèsonèl ak lojistik Nasyonzini genyen ki deja egziste ansanm ak finansman previzib ak dirab."
Zak vyolans semèn pase yo te fòse ayewopò Pòtoprens kanpe aktivite l yo, e Nasyonzini estime gang yo gen kontwòl 85% kapital Ayisyen.
