Nan yon kominike Nasyonzini pibliye ayè mèkredi a, Volker Türk, fè konnen nan sèlman yon semèn, gen pou piti 150 moun ki mouri akoz vag vyolans yo nan Pòtoprens.
Li ajoute, 92 lòt blese, epi anviwon 20 mil lòt oblije kouri kite lakay yo akoz zak vyolans yo nan kapital la.
Volker Türk dekalre, "Ogmantasyon vyolans yo nan kapital la se yon move siy ki montre sa ka vin pi mal", li pwofite mande pou kanpe zak vyolans yo prese prese, sinon, pita ka pi tris
Diplomat la ajoute: "Vyolans gang yo dwe sispann rapidvit. Ayiti pa dwe tonbe nan kawo"
Depi anviwon 2 semèn tout aktivite paralize nan Pòtoprens, kote lekòl ak antrepriz fèmen pòt yo akoz vyolans gang yo.
Pou ane 2024 la, gen 4.544 moun deja mouri, 2.060 blese akoz vyolans gwoup gang yo.
Epi gen plis pase 700 mil lòt kretyen vivan ki oblije kouri kite lakay yo.
